ktkaty's Xanga

Tuesday, December 27, 2005

Tue, 27 Dec 2005 15:20:17 GMT

被人偷窺和騷擾的感覺太難受...

無可奈何之下..我想我真的要轉日記了...

仍有興趣與我以日記交流生活瑣事的朋友請自行問我id吧...

要撞id的人請死心吧...一定不會是有katy這個字的...算是一點提醒

讓你不要撞得那麼痛苦...

Monday, December 26, 2005

Mon, 26 Dec 2005 05:10:06 GMT

聖誕節完了...今年的聖誕節去了與別不同的地方...

荃灣聯邦大酒樓...大尾篤...工展會...(都和聖誕無關的)

少不了看燈飾...(其實看過什麼?好像根本就沒有燈飾可看)

不過最重要的是...我竟然在聖誕節激嬲黃生...

搞到呢個聖誕大家都唔開心...

呢兩日佢仲返左大陸做野...想tum返佢都唔得...點算好...

***

星期五晚出placement,懷智聯歡會係好有氣氛,不過都好浪費...

我真係想知,平時社區人士捐埋捐埋既錢,有幾多係就咁食左...

d主席之類既大粒人黎坐下就走,又要預個位畀佢地

淨係咁都蹝左一圍...

去荃灣,得廿幾三十個人就要租架四十八座旅遊車...

但只係得一部輪椅...

我唔會用自己把尺去度人...但咁樣真係唔叫浪費咩?

***

一檯15個位...一檯得8個位...就係user同guest既分別...

user要搶食,guest d野剩大半...都係user同guest既分別

仲有,user要畀錢,guest唔使...更加係兩者既分別...

過唔過份? 就要睇下懷智把尺係直還是彎了...

***

努力在這個假期做好自己想做的事...

不過只剩下這一天...明天...還是要做好功課...星期五交...唉...

Saturday, December 24, 2005

Sat, 24 Dec 2005 00:59:43 GMT

終於都找到「討你厭」,踏破天涯,但原來卻隱藏在一個無聊的地方...

其實我懷疑,屋企都可能有呢隻vcd...只我一人未發覺je...

o係中心播,雖然只係許志安既版本,但已經覺得首歌好好聽...

如果搵到原唱者個版本就好...(不過我唔知原唱者係邊個)

(在這天什麼都討你厭即使我走了難獲得你說一聲再見)

***

又到聖誕...

大家會點過呀...^^...

***

平安夜的早上,我終於看完了未看完的一齣戲...

1026始終都記得1874...

Friday, December 16, 2005

Fri, 16 Dec 2005 14:49:26 GMT

其實我唔係好明,點解我有3個21.1%,但係會話我睇money多d...

識我既人,都知我根本唔識用錢唔識睇錢...

不過我唔會否認,我睇錢係唔輕,睇我以前幾搏命搵錢就知啦...

但我都係覺得,我睇Love會重d...fun反而唔會係有21.1%咁多

我都唔知點解...

難道係我英文差,解錯佢d題目?!

Money is most important in your life.

A high money concentration indicates that you feel that you need to have money in order to truly enjoy life. You feel that if you don't have enough money you will miss out on things that other people get to enjoy.

Take this quiz at QuizGalaxy.com

嘿嘿~我搞到個bkgd咁花...都係因為我想做下宣傳je~

諗諗下,我都唔係唔重fun丫,至少我搞組,都會預埋朋友一齊玩

傷健共融嘛...

係咪先...識多個朋友,冇壞丫...wahahahahaa~

Friday, December 16, 2005

Fri, 16 Dec 2005 12:17:35 GMT

激到嘔血...

而家搞到連我自己都有d混淆

究竟我嫁左未,或者究竟成個center既姑娘係咪都已經嫁晒...

一唔返就畀abc(某user)話我地去左嫁人,生仔...

黃生上黎,又有人同我講,你老公黎左喇...

我成日都想知,點解xx會咁喜歡結婚呢樣野...?!?!?!?!?!?!

有興趣既朋友,可以上黎睇下,無任歡迎...

如果你係靚女,就更加受佢歡迎...佢會幻想同你結婚...嘿嘿~

***

尋日諗住帶隻童夢奇緣返去播,點知部dvd機原來係假既...

真係蹝心機...

***

xxx(另一個user)又亂咁打人,然後屈人打佢...

講真,我真係好想好想大大巴咁車鬼死佢

我仲驚有日我真係會忍唔住...

Tuesday, December 13, 2005

Tue, 13 Dec 2005 15:49:56 GMT

臨近聖誕...好多朋友從四方八面湧晒出黎...

我記得舊年聖誕同男朋友鬧分手,咁o岩澳洲代表非常多

而且個個都返香港過聖誕(其實係因為o個邊暑假...)

所以每日吃喝玩樂,鬧分手反而肥左...

學邊粒星咁唱...分手可能真係唔使太悲哀...

(喂~完左d頒獎禮好蒲頭喇,我知你有睇既,唔好扮睇唔到...)

其實我想畀某朋友知道...分手真係唔使太悲哀...

悲哀...只得一個原因...

就係你未習慣失戀

不過,我都想知,究竟有冇人已經習慣左...

有既,唔該舉一舉手...

或者先肯定自己,有冇真正戀過...

***

呢排情緒持續低落,但係做野既狀態返緊黎...

ymca真係令我得不償失...精神辛苦比肉體辛苦慘萬倍...

真係因為我好恰? 難怪係都要我講,人地代我就要授權書啦...

假如要問我o係o個邊學到乜野...我諗最大收穫都係呢d

人同人之間既奸狡野...

係咪因為佢地比m記,七仔層次高d,所以人都衰d?

***

呢幾日突然間諗起一個問題

其實係因為小情侶殉情o個件事所以諗

如果我有左BB,而BB既爸爸唔肯負責

咁究竟我可唔可以養得起一個BB呢?

我又應該點去養佢呢?

好問題~所以我一日未有工作,都唔會生仔...

因為真係好恐怖...我真係好驚...我諗起呢個問題時

係覺得心寒...

Wednesday, December 07, 2005

Wed, 07 Dec 2005 02:27:34 GMT

如果我沒有記錯,有很多年的生日,也未如此快樂過...

不知由哪年開始,我的生日不是在吵鬧聲中,就是在眼淚中渡過...

是啊...為什麼我以前的男朋友,都喜歡在我生日時和我吵架?

他們是夾定了嗎? 但吵的內容,卻和我的生日無關...

但又會因為吵架,而不陪我過生日或者黑口黑面...

今年終於沒有了...下年也不會有...因為下一次的生日...將會更快樂~

回校上family的最後一課,很喜歡這一科GE

因為我喜歡唸和family有關的東西

遺憾我因為病,而沒有上EMA的SEMINAR

而我上完這一科後,亦會從elderly和school的理想中,加多一個family...

因為黃生要做野,所以我就和同學仔先做一點實習的功課

然後就回到尖咀逛,買了兩份禮物給和我同一天生日的人..哈哈...

然後又買了一個銀包給黃生...不錯呢...有相格,也有九格放咭

完全合乎他的要求啊...惟一不足是厚了點...~.~

終於等到他出現,已經是下午兩點半...

但海洋公園六點就打烊呢...~.~...

不過都去了...四點才去到...

哈哈...我們的身份證都有兩個特別數字,所以有八折...

一去即玩越礦飛車,全日惟一一個會玩的機動遊戲...

太恐怖了,衝落去patpat會離凳...唔好喇...以後唔會再玩...

我寧願去兒童王國算了...

逛了水族館,走馬看花,因為我從不懂欣賞水世界

其實是我喜歡綠樹環山多於深海歷奇...

加上我始終認為,魚是用來吃的...

之後去了看海豚...yo~究竟點先可以玩餵魚呢?

因為遲到,只看了8分鐘...嗚...逛了一會...

玩了那些像冬日嘉年華的遊戲攤位...贏了個忍風戰隊...嘩哈哈哈

六點,就搭纜車走了...一個人也沒有...很可怕^^"...

晚飯吃了珊瑚堡和朱古力火鍋

在珊瑚堡中,我想吃銀鱈魚,結果是"漏"到我想嘔...

在哈根大師,我想食好耐的朱古力火鍋有同樣效果...

跟黃生說了一句...原來好多野,無想像中咁好...

黃生輕描淡寫...不嬲都係咁架啦...

不過我仲未接受到呢個現實...

點都好...總之今日好開心...多謝你...

***

你問我以後生日都由你陪我過會唔會悶...

我覺得呢個係幸福..唔係悶...你搞錯左喇...^^

***

估唔到英傑竟然會記得我生日

以前同佢拍拖,佢死都話唔會記住我生日...

但分手咁耐佢都記得...始終都好開心既...

多謝晒~

***

師父仔祝我快d嫁得出...heee...

今日開始每日儲定兩蚊畀我做人情啦...呵呵...

Tuesday, December 06, 2005

Tue, 06 Dec 2005 00:02:04 GMT

生日...有好大個蛋糕食...

有我最愛的黃生,有黃生最愛的我

有我最愛的粟子,也有黃生最愛的豆苗

(這是我第一次炒豆苗,成功了,但忘了下蛋白)

還有cathy的男朋友,一個素未謀面,但同月同日生的人

打電話來說生日快樂,但給我整蠱了...

這是我22歲生日的前一晚...

Sunday, December 04, 2005

Sun, 04 Dec 2005 09:55:51 GMT

yo~尋晚真係一個大日子,3/12,我農曆生日

亦都係黃生第一次見家長既日子...

成家人一齊食飯,一開始我已經賴低佢單獨同我阿媽一齊...

佢既眼神非常無助,睇到我想笑(好變態)...

但我同陳mi落到酒樓樓下都堅持應該畀佢地傾下計...

一個懶人,平時叫佢用手食野簡直係天方夜譚

但o係我阿媽阿爸督促下,有人竟然自己用手食晒一隻乳鴿!!!(好勁啊...呀下)

仲有咁多隻蝦咁多西蘭花...一日食左成個星期既野...

睇來唔使我迫佢增肥,呢d野可以畀阿媽做...

唔知黃生仲夠唔夠膽去我屋企食飯呢...hee...

都係出師有名好既...尋晚好開心啊...係咪^^...

之後我地去左影相,hee...除左我d name label,

遲d連部notebook都一定會滿晒我地d相...

***

尋日下午做左基本法季軍同冠軍賽既計時,

見到一樣好搞笑既野,就係某某做左教練,debate教練

但係...第一round就出左局...假假地以前都係勁旅丫...

咁要個教練做乜呢...

連續兩場,餓死我,黃生飛奔買三文治畀我

結果咬左兩啖(真係兩啖)就要計時...繼續餓...

到而家都唔知個賽果,因為做完就走...食左我幾日都諗住既kfc...

行過log on,隨口一句話聖誕節佈置下,結果畀人潑冷水...

加埋呢幾日既唔開心,我o係地鐵已經喊到收唔到聲...

我怕今年生日要我自己一個人過...

唔知係咪真呢...有人話如果唔係我要計時,今日會去海洋公園wor...

不過生日有得去^^...都好丫...唔知我夠唔夠膽玩過山車呢...

***

今日係我第一次o係襄禮上領聖餐,有d手震...緊張嘛...

有d野...係時候...要再次放上心...

Saturday, November 26, 2005

Sat, 26 Nov 2005 08:37:43 GMT

經過尋日既基本法辯論賽,我發現以前真係好似畀人愚弄...

首先,主席同計時員都係臨時拉伕的人,完全零專業,零經驗...

當然,誰人都有第一次,但去到決實先係第一次,未免過份點吧...?

第二,評判的評分真的有點古怪兼無稽

為什麼男孩子們在其中一名評判眼中,風度只得4,5分?

女孩子則有9分?

最奇怪不是輸了那隊得4,5分,而是正反雙方的男孩子都只得4,5分?

而其餘兩位評判給他們的風度卻有8,9分...

究竟是什麼原因呢?

看到那張分紙時,簡直會滴汗...

港島民生輸得很慘,畀人炒蛋之餘仲要連佳辯都無...

協恩一開已經讓半球,主辯超時兩秒...

真是一蟹不如一蟹..又或者是我未夠好彩

幾年來看的賽事,只要有港島民生的,都很悶...

但別人卻說他們的比賽其實很精彩...?!

堅樂輸了...輸給仁濟二中...

又是一個巧合,其實一直以來,我都未看過一場堅樂贏的比賽...

甚至是我們和他們對賽,他們亦為什麼不幸地輸了...

要知道我們的辯論隊有多雞啊...~.~...難道是我剋著他們了?

***

昨天去了晨岡學校的開放日

最深刻印象的學生們的禮貌

和山下那香港日本人學校成強烈對比

日本人不是很有禮貌的嗎?

為什麼來到香港就變了? 還是根本從未有禮貌過?

我相信一個人如果有禮貌,是不會因為他身在香港,還是日本...

學何生話齋,質地唔好就咪賴人地賴天氣...

(以前佢係用質地唔好去形容楊受成個仔)

努力呀...晨岡的小朋友...盡你們的能力...做到最好...!!!